Sandneskafeen inviterer til bokbad med Gunnar Staalesen og Nils Kvamsdal

Ingen har skildra det kriminelle vestlandet som Gunnar Staalesen. Gjennom snart femti år har han fortalt oss at drapsmenn og -kvinner er aktive så vel i dei minste bygder som i storbyar og skumle bakgater. Med sitt særmerkte språk, sin humor og sin inngåande kjennskap til bygder og byar i Hordaland og våre vestlandske nabofylke skildrar han stader og folk på ein lett attkjenneleg måte. Og det er den tidlegare barnevernsarbeidaren, no privatdetektiven, Varg Veum som i roman etter roman har løyst gåtene. Ofte med fare for eige liv.

I haust kom Gunnar Staalesen med sin til no siste roman; Forfulgt av død. Og for fyrste gong er all dramatikken lagt til Masfjorden! Til den fiktive bygda Solvik, som er lett å plassera på kartet for oss masfjordingar.

Fredag 19. januar vert det forfattartreff på Sandneskafeen 2728. Då skal Nils Kvamsdal, kulturjournalist gjennom ein mannsalder og nordbygding på kropp og sjel, samtala med Staalesen. Om forfattarskapen og om kvifor han no har late grove brotsverk innta fredelege Masfjorden.

Etter samtalen kan publikum stilla spørsmål til "Gunnar'en", og han signerer meir enn gjerne «Forfulgt av død» til dei som ynskjer å kjøpa boka.

Inngang: 120,- 

Kl 19.00 

Billetter for salg via hoopla.no : 

https://sandneskafeen2728.hoopla.no/event/2293375363/utm_medium=search&utm_source=hoopla.no