Masfjordungdom på UKM

UKM står for Ung Kultur Møtes og er som namnet seier ein arena for ungdom til å dela kunst og kultur. Det vert arrangert lokal/regionalmønstringar i januar-mars, fylkesmønstring i april og landsmønstring i juni.

Det regionale arrangementet var i år lagt til Leiknes skule, og over 100 ungdommar i alderen ti til tjue år frå heile regionen var samla og fekk vist fram innslag med stor spennvidde for kvarandre og eit stort publikum.

Frå Masfjorden var det denne gongen påmeldt seks innslag, og alle hadde fine framføringar av sitt program.

Tigers: Masfjordbandet Tigers under sin opptreden på UKM. Bandet består av Madelein Strand Andvik, Ben Georg Kvingedal, Jenny Sofie Kvinge Hjelmtveit, Artur Zaliznui, Lars Manfred Nordland Kvinge Tvedt og Amalie Lahti. Foto: Kasper Valestrand, avisa Nordhordland. 

Under heile mønstringa var ein jury i sving for å velja ut ein bukett med innslag som skal representera Nordhordland på fylkesmønstringa på Askøy i slutten av april.

Frå Masfjorden vart desse innslaga sendt vidare

Jenny Sofie Kvinge Hjelmtveit, piano

Embla Brown- Dyrkollbotn, song

Bandet «Tigers» med Madelein Strand Andvik, Amalie Lahti, Ben George Kvingedal, Jenny Sofie Kvinge Hjelmtveit, Artur Zaliznui og Lars Manfred Nordland Kvinge Tvedt.

Tekst: Frank Kvinge

Foto: Kasper Valestrand, Avisa Nordhordland