Pårørande
Ung pårørande:
Dei aller fleste som får demensdiagnose er eldre, men også yngre personar kan bli ramma av denne sjukdommen.
I Norge er det over 2000 under 65 år som har demens. Fleire av desse har barn som då vert pårørande i tidleg alder.
Om du har ein forelder med demenssjukdom er det viktig å vite at du ikkje er åleine. Les meir om unge likepersonar.
Ta gjerne kontakt med hukommelsesteamet i kommunen, dei kan gje gode råd.
Nedanfor finn du lenker til gode sider som du kan finne informasjon på. Dette er sider som er laga for barn og ungdom.
- Unge pårørande (www.ungepårørende.no)
- Tid til å være ung (www.tidtilung.no)
- Hvem ser meg? (www.hvemsermeg.no)
- Tid til å være ung (podcast)
Pårørande i vaksen alder
Når ein du er nær har fått demens, endrar personen seg. Du må tilpasse deg den nye livssituasjonen, og får gjerne nye oppgåver i kvardagen. Kunnskap om sjukdommen gjer det lettare å takle utfordringane ein møter. Nedanfor finn du lenker til gode sider som du kan finne informasjon på.
- Helsenorge (www.helsenorge.no)
- Aldring og helse (www.aldringoghelse.no)
- Nasjonalforeningen (www.nasjonalforeningen.no)
- Nordhordland demensforening (www.facebook.com)
Pårørandeskule og anna opplæring
Deltaking på pårørandeskule gjev kunnskap om demenssjukdom og korleis ein best får kvardagen til å fungere som pårørande. Dette er eit interkommunalt samarbeid og eit samarbeid med Nordhordland demensforening. Det vert informert om tilbodet i forkant, både gjennom heimesida og oppslag i grendene.
Demenslinja
Har du spørsmål eller bekymringar knytt til demens? Ta kontakt med Demenslinja, telefon: 23120040
Her får du snakke med erfarne sjukepleiere, som har teieplikt.