Ikkje forbod mot Sankthansbålet

Med tanke på regnet me har hatt dei siste dagane er det ikkje like stor skogbrannfare lenger. Ein går difor tilbake til det generelle forbodet; at det mellom 15.april og 15.september er forbode å tenne opp bål og grill i eller i nærleiken av skog og anna utmark. Du har likevel lov å tenne bål der det er opplagt at det ikkje kan starte ein brann. Dette kan vera i snødekte område, eller ved regn over lengre tid. Du kan også grille på stranda i god avstand frå skog og vegetasjon. (www.dsb.no)

Brannsjef Lars Jørgen Svendsen minner om at ein sjølve har eit stort ansvar for å sikre at bålet har forsvarleg storleik. Ein skal også ta vindretning i betraktning. Det har i lang tid vore tørke, og regnet som har kome siste dagane er svært lite. Det betyr at det framleis er svært tørt.

- Vis ansvar, vær bevisst, tenk storleik på bålet og ikkje minst; ha naudsynte sløkkemiddel i umiddelbar nærleik. 

Dersom du er i tvil om plassen du vil tenne bål på kvalifiserer til krava over, kan du ta kontakt med GMBR.

Masfjorden kommune ynskjer alle ei god og trygg Sankthansfeiring