Korleis står det til med folkehelsa i Masfjorden?
Resultata frå undersøkinga vil bli viktige verktøy i arbeidet med å skape gode lokalsamfunn og nærmiljø.
Undersøkinga er eit samarbeid mellom Folkehelseinstituttet og Vestland fylkeskommune, i dialog med kommunane. Spørsmåla handlar om helse, trivsel, livskvalitet og andre forhold som har betyding for folkehelsa.
Deltakarane blir trekt tilfeldig frå folkeregisteret, og vil få invitasjon via SMS og e-post. I kommunar med færre enn 2000 vaksne innbyggjarar vil alle som ikkje har reservert seg få invitasjon til å delta
Spørsmåla i undersøkinga er relevante både for folkehelsearbeidet i Masfjorden, og til drift og planlegging innafor ei rekkje av kommunen sine ansvarsområde som samfunnsutvikling, oppvekst, helse, velferd, kultur og mobilitet.
Ordførar Karstein Totland oppfordrar alle til å delta i spørjeundersøkinga.
-Mange svar gjev gode data. Det er viktig for oss å kartleggje korleis innbyggjarane våre eigentleg har det, og på den måten arbeide mot eit betre tilbod i kommunen, seier han.
Tolv heldige deltakarar blir trekt ut til å vinne universalt gåvekort - to på kr 2500 og ti på kr. 1000. Gåvekorta er gyldig i fem år.
For meir informasjon og lenke til undersøkinga sjå https://vestlandfylke.no/fhus
Kontaktinformasjon: folkehelse@vlfk.no tlf.: 51207150
Lokal kontaktperson er helse- og omsorgsleiar Oddvin Arne Neset - 56166219
Tekst: Fylkeskommunen / Sigrun Haugsdal Reknes.
Foto: Sigrun Haugsdal Reknes