SANDNES SKULE

Tlf. 56 16 63 60, e-post: sandnes.sk@masfjorden.kommune.no - Rektor: Dina Dyrhovden,

 

Sandnes skule er ein 1-10-skule, lokalisert i bygdelaget Sørsida på kommunesenteret Masfjordnes i Masfjorden kommune, 7 mil nord for Bergen.

Hausten 2011 er elevtalet er 66, med 27 elevar på ungdomssteget og 39 elevar på barnesteget. Skulen har for tida 5-delt barnesteg og 3 klassar på ungdomssteget. Elevane er busette over eit område på ca. 3 mil, og dei fleste er avhengig av skuleskyss.

Skulen har eit personale har eit personale på tilsaman 22 personar i heile og deltidsstilingar: 1 sekretær, 3 reinhaldarar, 3 assistentar og 16 lærarar i heile og deltidsstilingar. Nokre av lærararane har kombinert stilling med undervising i Kulturskulen. Aldersspennet er stort, 30 – 62 år. Tyngda av lærarane er rundt 50 år. Det pedagogiske personalet dekkjer dei fleste fag med minst 20 vekttal. Fleirtalet er almennlærarar.

Den eldste delen av skulen var bygd i 1964 og var fram til 1980 sentralskule for ungdomssteget i kommunen. Våren 2000 tok vi i bruk eit nybygg med gymnastikksal, musikkrom, bibliotek/datarom og kjøkken. Nybygget er eitt av få her i landet med naturleg ventilasjonssystem og er oppført etter miljøvennlege prinsipp når det gjeld materialval og overflatebehandling.

Skulen har tilbod om leksehjelp måndag og torsdag. Då det ikkje har vore søkjarar til skulefritidsordninga er det ikkje SFO på Sandnes skule. Dersom det vert søkjarar vil ein gje tilbod.

 

Skulen vår er omgitt av natur på alle kantar, eit naturområde vi prøver å gjere oss nytte av både i undervisning og i fritid. Fysisk aktivitet har vore eit satsingsområde dei siste åra, saman med elevvurdering og utvikling av læringsmiljøet. Alle skulane og barnehagane i kommunen samarbeidar om eit prosjekt kalla ”Tidleg tiltak, - varig verknad” der ein har som mål å gje dei yngste elevane ein best mogleg start på opplæringsløpet.

 

 

 

 

Tekst: Dina Dyrhovden