Tilskot til kulturarbeid 2012

 

Kulturprisen

Masfjorden kommune sin kulturpris vert utdelt til personar eller lag som har markert seg i kulturarbeidet i kommunen. Tildelinga blir gjort kjend i samband med Kraftspela eller anna større kulturmarkering i sommarhalvåret. Både lag, organisasjonar og einskildpersonar er inviterte til å komma med framlegg til kandidatar. Formannskapet er jury for prisutdelinga.

 

Frist for framlegg til kandidatar er forlenga frå 15. april til 25. april 2012. Grunngjeve framlegg på kandidatar kan du senda til post@masfjorden.kommune.no

 

Kulturmidlar

Søknadsfristen for tilskot til kulturarbeid er sett til 1. april 2012. Søkjarane må legga ved årsmelding og revidert rekneskap til elektronisk søknadsskjema.

Idrettslag/skyttarlag sender søknad om kulturmidlar via høyringsorganet Idrettsrådet i Masfjorden v/John Torsvik, 5986 Hosteland innan 25. mars. Andre søkjarar sender søknaden direkte til Masfjorden kommune.

 

Vaksenopplæringsmidlar

Søknadsfristen for 1. halvår er 1. april 2012. Frist 2. halvår er 1. november. Her finn du søknadsskjema (pdf).

 

Kulturvernmidlar

Kommunestyret har sett av kr 50000 i kulturvernmidlar for 2012. Eigarar av eldre bygningar, bygningsmiljø og andre kulturminne kan søkja tilskot frå desse midlane. Her finn du søknadsskjema (pdf). Du kan òg få tilsendt søknadsskjema frå kommunen. Også her er søknadsfristen 1. april.

 

Aktivitetsstønad og særskilte tilskot

I tillegg til grunnstønad kan det bli gjeve aktivitetsstønad til ulike tiltak. Søknaden må innehalda kostnadsramme og plan for å dekka kostnadene og må vera send til kommunen seinaste i veke før aktiviteten/arrangementet skal finna stad. Tilskotet kan ikkje vera på meir enn 50% av kostnaden.

Det kan også gjevast særskilde tilskot til einskildpersonar som driv ein kulturaktivitet som kjem bygdefolket til gode. Døme på slike tiltak er stemne, konsertar, filmkveldar, utstillingar, diskusjonskveldar, song- og musikk- og kulturkveldar.

 

Tilskot til bygdekino

Det vert gjeve tilskot til kinoframsyning i Fjon grendahus og Solheim grendahus etter oppgåve frå Bygdekinoen.

 

Nye leiarar

Lag og organisasjonar har sjølv ansvar for å melda frå om nye kontaktpersonar eller leiarar slik at informasjonen kjem fram til rette vedkomande.

 

 

 

 

Tekst: Alf Magnar Strand