Nordbygda barnehage

 

Opningstid: kvar dag frå kl. 07.15 – 16.30.
Barnetalet:  pr. 01.02.10 – 43 born fordelt på 3 avdelingar:
” Blåklokka” 1-2 år
” Fiolen” 2-3 år

” Prestekragen” 4-6 år

 

Nordbygda barnehage ligg på Hosteland i Masfjorden kommune. Like i nærleiken ligg Nordbygda skule. Skulen og barnehagen utgjer til saman Nordbygda oppvekstområde. I same område finn ein og Masfjorden folkebibliotek, Masfjorden sjukeheim og Nordbygda helsesenter med lækjar, helsesyster og fysioterapeut.

 

 

Me har faste utedagar på alle avdelingane ein gong i veka. Desse dagane nyttar me til å gå turar i nærmiljøet som er tilpassa borna sin alder. Me har fleire faste turmål i nærområdet og me brukar også sjøen som ikkje ligg så langt unna. Kvar avdeling har og faste tider kvar veke til bruk av gymsalen på skulen og til å besøke biblioteket.

 

Hovudmålsetjinga for alle 3 barnehagane i kommunen er:

Å jobbe for å få eit likeverdig tilbod for alle barnehageborn i Masfjorden kommune.

Me har 3 felles satsingsområde:

• UTELIV
• TYDELEGE VAKSNE
• TIDLEG TILTAK VARIG VERKNAD (samarbeidsprosjekt med skulane)

 

 

Tekst: Anita Solheim (styrar)  Tlf. 56166340 - E-post: nordbygda.bh@masfjorden.kommune.no

 

Foto: Frode Vee-Haugen