Verksemdsplan for IKT

 

IKT avdelinga står i 2009 framfor fleire milepelar – dei viktigaste er:

• Harald Jåstad takkar for innsatsen og trer inn i pensjonistanes rekkjer frå 1. august 2009
• Rådmennene i SING samarbeidet har vedteke å investera i ein ny felles IT infrastruktur. Dette inneber samlokalisering av ”sikker sone”, det vil seie alle IT tenester for pleie- og omsorg, Sosial og Barnevern. Det vil og etablerast ein ny felles e-post løysing for alle kommunane.
• SING kommunane skal innføra eit felles administrasjonssystem for skule og barnehage.
• Rune Garmann er tilsett i ei 2-årig prosjektstilling med fokus på å heva den generelle IKT kompetansen i kommunen

Alle desse endringane vil krevja ressursar frå IKT avdelinga – både i pengar og ikkje minst i tid. IKT avdelinga ønskjer å vera ein aktiv deltakar i felles IKT prosjekt i regionen – dette for etter beste evne i ivareta Masfjorden kommune sine interesser i samarbeidet. Som avdeling er vi oppteken av at vi kan tilby dei tilsette i Masfjorden kommune IKT løysingar som lettar kvardagen til den enkelte.

IKT avdelinga i Masfjorden kommune har for regnskapsåret 2009 eit investeringsbudsjett pålydande kr. 500.000,-. Dei ønskjer ein å nytta til følgjande prosjekt:

• Masfjorden kommune sin del av kostnader for etablering av felles IT-struktur for SING kommunane. Samla prosjektkostnad er ca. 2 mill NOK.
• Gjera nødvendige utskiftingar av pc’ar og utstyr – brukarar som køyrer krevjande programvare har behov for nytt utstyr for å få ein lettare arbeidsdag. Utstyr som blir bytta ut hos desse brukarane vil kunne nyttast til andre mindre krevjande oppgåver, t.d. i barnehage og skule.
• Sjå på utviding / oppgradering av dagens løysing for virtualisering av serverar
• Gjennomgå server løysinga for PED-nettet og vurdere utskifting av server (heng i hop med punktet over).

Utover dei oppgåver som årets investeringsbudsjett opnar for – vil IKT avdelinga også jobba med følgjande prosjekt:

• Aktiv deltaking i førebuing av anbod og etableringa ny IT-struktur i SING kommunane
• Delta i innføring av nytt administrativt datasystem for skule og barnehage
• Gjennomgå løysing for lagring av dokumenter og handtering av utskrift
• sette i drift ny SAN servar innkjøpt i 2008
• Etablere nytt trådlaust nettverk (innkjøpt i 2008) – som gir muligheit for
• trådlaus IP-telefoni
• trådlaust gjestenett / publikum (PUB)
• trådlaus tilgang til administrativt datanett (ADM)
• nytt trådlaust nett for oppvekst (skule/barnehage) (PED)
• Etablere løysing for innmelding og oppfølging av saker til IKT
• Investeringar
• Problem / brukarstøtte
• Gjennomgå telefonløysinga og sjå på eventuelle behov for utskifting av apparat og eventuelle behov for fleire apparat.
• Gjennomføre månadlege oppdateringar på serverane på kveldstid for å redusere risikoen for utilgjengelige serverar i kjernetida.

IKT avdelinga ser med dette fram til eit konstruktivt samarbeid i 2009 og håpar at me med desse prosjekta skal gje eit endå betre tilbod til våre brukarar.

 

 

 

Masfjordnes, 11. mai 2009

 

Nils Ingvald Halle

IKT ansvarleg