Ut på tur i vinter!

 

For bilettekst: Sjå musepeikar

 

No er fjelltrim-postane til Risnes IL tekne inn, og oppteljing av dei mange turane er i gong. Søndag den 31. januar vil me markere Fjelltrimmen for 2009 med premieutdeling, bilete og skildringar frå Stølsheimen, kaffimat og åresal. Me inviterar til ei hyggjeleg samling for alle som har vert med på fjelltrimmen i år eller andre som er interessert. Medan me venter på ny sesong har Risnes IL også i år lagt ut vinterpostar:

 

 

 

Tur nr 1: Rambjørg – Haugsdal

Posten er på skogsvegen over Botnane, start anten i Haugsdalen eller Rambjørg, kring 45 min ein veg.

 

Tur nr 2: Molland – Tenndalen

Det er merka frå hovudvegen, kring 45 min ein veg.

 

Tur nr 3: Kjerdal – Eide

Det er merka frå Kjerdal bru, kring 40 min ein veg.

 

Tur nr 4: Kvamsdal – Monshola

Start ved fyrste bru i Kvamdalen, kring 45 min ein veg

 

Tur nr 5: Rundtur på Sleire: Håjen  – Myrdalselva ved Sleire

Posten ligg ved steinbenken på Godfeta, kring 1 time rundt.

 

Alle turane er merka, og er i lett terreng på skogsvegar og tydelege stiar. Dersom du går alle turane, vert du med i trekning av premiar.

 

Dersom du har spørsmål eller turforslag kontakte Risnes IL si fjelltrim-gruppe
- Evelyn Birkeland, Reidun Sleire, Kjell Molland eller Jane B.Daae.

 

 

God tur!

 

 

 

Tekst og foto: Jane Britt Daae

Foto frå Sleirsfjellet: Nelly Fredriksen Nordvang