MasfjordenFlotte kulturskulekonsertar
Stemninga var god og temperaturen høg då kulturskuleelevane fekk presentert seg på heimebane i konsertveka. På rekkje og rad vart det arrangert konsertar på Matre, Nordbygda og Sandnes, i skuletida.
Det er tydeleg at elevane har jobba godt i haust, for her var me vitne til flotte framføringar på løpande band. Eit stort og godt publikum tok imot debutantar og dei meir vidarekomne på entusiastisk vis. På Sandnes-konserten stilte teiknegruppa ut litt av det dei har produsert så langt i haust.
På konsertdagen var alle aktørane gjennom lydprøvar på førehand, slik at dei skulle vera godt rusta
til å innta scena i møte med publikum seinare på dagen. Det er ikkje tvil om at akkurat dette var med på å heva kvaliteten på framføringane, og gjorde sitt til at aktørane kjende seg endå tryggare på det dei skulle framføra.
Det nærmar seg jul, og med det konsertar og samlingar av ymse slag. Me kjem ganske sikkert til å få høyra mange av elevane i aksjon i tida framover.
For tekst, hald musepeikar over bileta
 |
|
|
|
 |
|
|
 |
Tekst og foto: Frank Kvinge
Masfjorden kommune, 5981 Masfjordnes - E-post - Tlf. 56 16 62 00 - faks. 56 16 62 01
Ansvarleg redaktør: Svein H. Hofslundsengen - Nettvevar og nettredaktør:
Frode Vee-Haugen