MasfjordenForvaltningsplan for gås - høyring
Publisert 7.01.09
Masfjorden kommune har utarbeidd planen med utgangspunkt i den fylkesvise forvaltningsplanen for gås i Hordaland.
Masfjorden ynskjer å få ei meir målretta forvaltning av gåsa. Det er eit mål at grågåsa skal sikrast i levedyktig bestand. Samstundes skal det vere minst mogleg konflikt med landbruksproduksjon, slik at det er mogleg å drive med tradisjonell husdyrproduksjon basert på grovfôrproduksjon. Kanadagås, som er ei framand gåseart, skal haldast på ein minimum bestand, noko som er dagens situasjon.
Planen vart handsama av Utval for vilt og fisk 16.12.2008.
Planen er lagt ut til offentleg høyring desse stadane:
Kommunehuset, biblioteket på Hosteland, biblioteket på Matre, butikkane i kommunen og du kan lasta den ned her: Forvaltningsplan for gås
Høyringsfristen er sett til 6. februar 2009. Merknader kan sendast digitalt til laila.nersveen@masfjorden.kommune.no eller i papirformat til Masfjorden kommune, Landbrukskontoret, 5981 Masfjordnes.
Tekst: Leila Nersveen
Masfjorden kommune, 5981 Masfjordnes - E-post - Tlf. 56 16 62 00 - faks. 56 16 62 01
Ansvarleg redaktør: Svein H. Hofslundsengen - Nettvevar og nettredaktør:
Frode Vee-Haugen