Masfjorden
Turen gjekk frå Sleire og innover i Markusdalen – eller kanskje ein heller skal seie at det var frå Sleire at alle gjekk i samla flokk. For dei fleste hadde turen starta tidlegare på dagen, på sykkel. Dei som hadde lengst veg, hadde sykla vel halvanna mil før fotturen byrja.
Frå Sleire og inn i Markusdalen er det ein fin turveg, og landskapet rundt er vakkert. Så det gjekk greitt å gå innover i dalen, og det var kjekt å kunne ta ein liten kvil i lyngen og berre la augene nyte naturen ikring. Og vel framme kunne ein finne fram mat og drikke og få ei triveleg stund ved bålet. Svartgrilla pølser er faktisk ikkje så verst turmat!
Og så var det retur til fots fram til Sleire, før det var å hive seg på sykkelen for å kome heim. Slike dagar vert ein sprek og glad av!
Bilete : Anita Hjartholm
|
Masfjorden kommune, 5981 Masfjordnes - E-post - Tlf. 56 16 62 00 - faks. 56 16 62 01
Ansvarleg redaktør:
Svein H. Hofslundsengen - Nettvevar og nettredaktør:
Frode Vee-Haugen
Til toppen