Ein stad for næring og busetting

 

 

PDF-brosjyrer: Næringsareal - ein stad for næring og busetting - Bustadtomtar

 

Kommunen i næringsmessig kontekst:
Masfjorden er ein attraktiv, innbydande kommune med store naturressursar. Kommunen er lokalisert i Nordhordland sentralt i høve til store og viktige næringsregionar i bergensområdet. Næringsclusteret på Mongstad med store aktørar som Statoil setter Nordhordland ”på kartet” og opnar for synergiar også i andre delar av regionen. Frå Masfjorden er det kort avstand til Sløvåg Industriområde, som har muligheit for tilførsel av gass i samband med utbygginga av nytt energiverk på Mongstad. Denne situasjonen gir gode muligheiter for næringsvekst også i Masfjorden.

 

Næringsmessige fortrinn ved kommunen:

- Lågare arbeidsgjevaravgift i Masfjorden (10,6%) enn dei fleste andre kommunar i Hordaland (14,1%).

- Kommunen har ei breibandsdekning med dekningsprosent på 94 %, noko som i dag er betre enn landsgjennomsnittet. Målet er 100% breibandsdekning.

- Store bedrifter som BKK, Havforskningsinstituttet og Marine Harwest Norway AS held til i kommunen.

- Sterkt forskingsmiljø ved Havforskningsinstituttet si avdeling lokalisert i helt nye og topp moderne og avanserte fasilitetar på Matre.

 

Masfjorden Næringsforum vert stifta 20.02.07. Næringsforumet skal vera ein interesseorganisasjon som har til formål å ta vare på, utvikla, styrka og støtta næringslivet og næringslivet sine interesser i Masfjorden kommune. Forumet skal stimulera til bevisstgjering, innovasjonsutvikling og nettverkstankegang mellom næringsaktørar, mellom næringsaktørar og kommunen og skal gjennom sitt arbeid stimulera til knoppskyting og etablering av ny næringsverksemd i kommunen.

 

Masfjorden Næringsforum skal  også arbeida for å fremje næringslivet si rolle i utviklinga av Masfjorden kommune ved å ta aktiv del i kommunesamfunnet. Forumet skal arbeida aktivt for å skape attraktive arbeidsplassar og tett kontakt mellom skule og næringsliv.

 

- Kommunen arbeidar saman med Nordhordland Regionråd og Innovasjon Norge for å legge forholda til rette for at det skal opprettast mikrokreditt-nettverk mellom kvinnelege etablerare i kommunen.

- Det er ledig areal i industriområde i fleire delar av kommunen og i allereie eksisterande næringspark.

- Dagens eksisterande næringsstruktur står fram som særs variert og samansett.

- Vidare har kommunen tett og god kontakt med viktige aktørar som Nordhordland regionråd og Nordhordland Handtverk og Industrilag, NHIL

- Gode finansielle støtteordningar for næringsverksemd gjennom ”Kraftfondet”.

- Tilgang på rimelig leie av kontorlokale der du kan dele kvardagen i fellesskap med andre.

 

Andre praktiske opplysningar:

- Private og offentlige aktørar i Masfjorden arbeidar aktivt for tilrettelegging av bustadområde i fleire delar av kommunen. Det er ledige tomter i både nybyggjar, og etablerte bustadområde i kommunen. Lenke til brosjyrane

- Trygt og godt oppvekstmiljø med  god kapasitet i skole, barnehage og SFO til lågare pris enn i mange andre kommunar.

- Gode helse og kulturtilbod.

- Det er eit godt og velfungerande tenestetilbod i kommunen, samtidig som kommunen er i ein fase der fokus spesielt er retta mot utvikling og folketalsauke.

 

 

Tekst og illustrasjon: Beate Mæsel