Finansielle stønadsordningar

Dei vanligaste stønadsordningane kor det er mulig å få finansiell stønad, (alle bransjespesifikke stønadsordningar er ikkje teke med):

• Etablerarstipend frå Innovasjon Norge

Stipend som kan bli løyvd til personar som skal utvikle og etablere eigen bedrift. Etablerarstipend vert gjeve hovudsakleg til enkeltpersonar, men kan også verta gjeve til føretak i etableringsfasen. Etablerarstipend gjeld alle næringar, unnateke offentleg  verksemd. Landbruk har ein eigen stipend-ordning; BU- midlar. Etableringar som representerer noko nytt i regional, nasjonal og/eller internasjonal samanheng er høgst prioritert.

 

Etablerarstipend kan bli løyvd i to fasar; ein utviklingsfase og ein etableringsfase. Det kan ikkje søkast om stipend til begge fasane samtidig. Det kan bli løyvd stipend inntil kr 400 000,- pr. etablering (samla for utviklings- og etableringsfasen). Stipendbeløpet tildelast ut frå ei skjønnsmessig vurdering av søknaden (bl.a. ut frå kor stor etableringa er, nyskapingsgrad, potensiale og risiko), og kan vera på inntil 75 % av godkjente kostnader.

 

Stipend til etableringsfasen kan brukast til delvis dekning av kostnader i denne fasen, for eksempel eiga løn (det tas omsyn til anna inntekt/dagpengar/trygd), konsulentbistand, fadderordningar og andre oppfølgingstiltak, kortare kurs (direkte relatert til bedriftsetableringa), mindre fysiske investeringar og ekstraordinære kostnader knytt til etablering av verksemd.

 

Søknad kan sendes elektronisk ved å registrere deg som bruker på Innovasjon Norge sine nettsider.
http://www.innovasjonnorge.no

Andre finansielle stønadsordningar:

• SkatteFUNN

SkatteFUNN er ei skattefradragsordning for skattepliktige føretak i Noreg. Man kan få inntil 20 % skattefradrag for forsknings- og utviklingsprosjekt, det vil sei der formålet er å framskaffe ny kunnskap, informasjon eller erfaring som igjen kan føre til nye eller betre produkt, tenester eller produksjonsmetodar.

 

For å søke går man inn på www.skattefunn.no, og logger seg på med brukarnamn og passord. Søknaden vert så sendt direkte frå web-sida