Reglar for leige av kykjene

- Publisert 29.06.04

 

Reglar om betaling for bruk av Sandnes, Frøyset og Solheim kyrkje i Masfjorden.

Jmf. Lov av 7.juni 1996 nr. 31 Lov om Den Norske Kyrkja § 20 andre lekken.
Vedteke i Masfjorden kyrkjelege fellesråd 08.05.02. Reglementet trer i kraft 01.08.02.
Godkjent av Bjørgvin bispedømeråd 14.06.02.

§ 1
Reglane gjeld ved utlån av kyrkjene og ved presten sin bruk av kyrkjene til kyrkjelege handlingar.

§ 2
For konsert eller liknande føremål som det er høve til å ta betaling for er leiga 10 % av bruttoinntekta. Leiga er likevel minst kr. 1000.

§ 3
For kyrkjelege handlingar utanfor gudstenesta er leiga kr. 600. For medlem av Den Norske Kyrkja gjeld dette likevel ikkje
- Ved vigsel når ein av brudefolka eller ein av foreldra er busett i soknet.
- Ved gravferd når avdøde var busett i kommunen eller avdøde sine næraste pårørande eller
den som syter for gravferda er busett i kommunen.

§ 4
For leigetakarar som skal betala leige etter § 3 vert det kravd fylgjande utgiftsdekning dersom kyrkjetenar og organist skal medverka.
- For organist: kr. 700,-
- For kyrkjetenar kr. 400,-

§ 5
For lag og organisasjonar i kommunen som ynskjer å bruka kyrkjene til sine arrangement er leiga kr. 600. Dette gjeld likevel ikkje
- Konsertar og arrangement som samlar inn pengar til velgjerande føremål.
- Organisasjonar som har barn og unge som målgruppe, t.d. kor, korps, kommunal
musikkskule.
Fellesrådet kan i andre særskilde høve gje dispensasjon frå betalingssatsane.

§ 6
Ved utlån av kyrkja til arrangement som det ikkje er høve til å ta betaling for, må dei som låner kyrkjene likevel dekkje dei faktiske utgiftene eller min. kr. 600. Dette kan gjelde t.d. gudstenester i samband med slektsstemne eller andre grupper som ynskjer å nytta kyrkja til gudsteneste.

§ 7
Ved utlån av kyrkja til øving, plateopptak eller liknande føretak som ikkje har som føremål å samla publikum, vert leigeprisen avgjort i kvart einskild tilfelle etter omfanget av utlånet. Minstepris er likevel kr. 600.

 

Ved eventuelt omvising, turistbesøk eller liknande der kyrkjetenar eller annan tilsett i kyrkja må møta for å låsa opp / att vert prisen kr. 300