Etableringstilskot

 

Vedteke i kommunestyret den 18.04.05.
Pkt. 1, siste setning vart endra i kommunestyret den 11.12.08.

 

Ordning med etableringstilskot vert innført som ei fast ordning med følgjande regelverk;

 

Ordninga gjeld berre private bustadfelt, jfr. K-sak 30/05

 

1. Det kan gjevast etableringstilskot til førstegongs etablering med eigen privat bustad i Masfjorden kommune med kr. 30.000,-. Det vert ikkje gjeve tilskot til etablering gjennom kjøp og overtaking av hus og gardsbruk.

Etableringstilskotet vert auka til kr. 40.000 for dei som er under 35 år, jf. K-sak 99/08.

 

2. Etableringstilskot vert berre ytt til ungdom i etableringsfasen. For å koma innafor definisjonen "ungdom i etableringsfasen", må søkjaren vera under 40 år den dag mellombels bruksløyve/ferdigattest ligg føre.

 

3. Søknadsfrist vert sett til 1. september kvart år, for utbetaling i neste budsjettår, slik at midlane til etableringstilskot kan innarbeidast i årsbudsjettet til kraftfondet.

 

4. Ved søknaden må det leggjast ved attestasjon på at søkjaren er byggherre, og skal vera eigar av huset.

 

5. Etableringstilskotet vert nedskrive over 5 år. Ved sal av bustad eller flytting frå kommunen før dette tidsrommet er ute, skal kommunen ha tilbakebetaling i høve til den tid som er gått.

 

6. Rådmannen får fullmakt til å ta stilling til innkomne søknader.

Etableringstilskotet kan betalast ut etter nærare vurdering når mellombels bruksløyve eller ferdigattest føreligg.